Rafmagnsleysi í Glerárhverfi og víðar

Rafmagnslaust varð í Glerárhverfi og víðar á Akureyri um kl. 20.30 og varði straumleysið í réttar 30 mínútur.

Rafmagnslaust varð í Glerárhverfi og víðar á Akureyri um kl. 20.30 og varði straumleysið í réttar 30 mínútur.

Ástæðan er bilun í rafstreng í aðveitustöð II í Kollugerði (við Urðargil).  Enn er ekki vitað hvað olli bilun í strengnum en hann er ónýtur neðan við svonefndan endabúnað í aðveitustöðinni.

Vel gekk að koma rafmagninu á miðað við aðstæður en hringtengingar gera kleift að fæða einstök svæði úr fleiri en einni átt eins og það er nefnt.