Ágúst Torfi til Jarðborana hf.
Eftirfarandi frétt er birt á heimasíðu Jarðborana hf.
---
Ágúst Torfi Hauksson ráðinn forstjóri Jarðborana hf.
Stjórn Jarðborana hf. hefur ráðið Ágúst Torfa Hauksson, verkfræðing sem nýjan forstjóra Jarðborana hf. og mun hann hefja störf nú á næstunni samkvæmt samkomulagi við fyrri vinnuveitanda.
Ágúst er 37 ára gamall vélaverkfræðingur. Hann lauk B.Sc. gráðu frá Háskóla Íslands árið 1999 og meistaranámi við University of British Columbia í Kanada árið 2001. Ágúst hefur m.a. stundað rannsóknir í varmafræðum við University of British Columbia og unnið hjá VGK verkfræðistofunni m.a við verkefni tengd orkuvinnslu og nýtingu jarðvarma. Á árunum 2005 til 2011 var Ágúst framkvæmdastjóri hjá Brim hf. á Akureyri, en frá 2011 hefur Ágúst starfað sem forstjóri Norðurorku hf. Hann er kvæntur Evu Hlín Dereksdóttur, verkfræðingi og eiga þau tvær dætur.
