Bráðabirgðaviðgerð á stofnlögn lokið
Í ljós kom að stofnlögn að efra Gerðahverfi var mun meira skemmd en í fyrstu var talið. Var því tekin ákvörðun um að gera við lögnina til bráðabirgða og hleypa vatni á hverfið síðdegis í dag. Þetta þýðir hins vegar að nauðsynlegt er að halda viðgerð áfram á morgun föstudaginn 12. ágúst og ljúka verkinu endanlega. Nauðsynlegt verður því að loka fyrir vatnið að nýju á meðan skipt er um þann hluta stofnlagnarinnar sem skemmdur er.
Nánar verður greint frá tímasetningum lokanna á morgun þegar nánar verður búið að skipuleggja verkið.
Viðskiptavinum er áfram bent á að gæta vel að því að allir kranar séu lokaðir þegar vatn kemur á aftur eftir lokunina á morgun. Eins er viðskiptavinum bent á að huga að hitakerfum sínum, dælum á gólfhitalögnum, varmaskiptum og öðrum slíkum búnaði. Jafnframt er mjög gott að lofttæma ofnakerfi eftir að vatnið er komið á. Hafi viðskiptavinir ekki þekkingu á búnaði sínum er nauðsynlegt að hafa samband við píplagningameistara til þess að huga að kerfinu og búnaði þess.
