Gengið frá samningi við Ræktunarsamband Flóa og Skeiða ehf.

Gengið hefur verið frá samningi við Ræktunarsamband Flóa og Skeiða ehf. um borun á svo nefndum hitastigulsholum í Hörgársveit en félagið átti lægsta tilboð í verkið.

Íslenskar orkurannsóknir, ÍSOR, munu í kjölfar þessa ákvarða borstaði fyrir hitastigulsholurnar og í framhaldi af því mun verða leitað nauðsynlegra heimilda hjá landeigendum fyrir borun á holunum.

Til gamans koma hér nokkrir fróðleiksmolar um jarðhitaleit sem fengnir eru úr Jarðhitabók Guðmundar Pálmasonar. Jarðhitaleit hefur verið skipt eftirfarandi flokka:
• Jarðhitakönnun
– þekkt svæði könnuð
• Jarðhitaleit
– leit á svæðum þar sem bein merki um jarðhita á yfirborði eru ekki fyrir hendi
• Staðbundin könnun
– hvar á stóru svæði
• Staðbundin leit
– finna einstakar vatnsleiðandi sprungur innan þekkts jarðhitasvæðis

Staðbundin könnun

• Nákvæm kortlagning allra lauga og volgra

• Nákvæm kortlagning allra sýnilegra misfellna í jarðlögum – mat á halla þeirra frá lóðréttu

• Hitamælingar í jarðvegi ef hann hylur grunnbergið

• Segulmælingar til að finna staðsetningu bergganga á svæðinu og stundum misgengi

• Viðnámsmælingar – leit að vatnsleiðandi sprungum

• Borun hitastigulshola og kortlagning á hitastigul við yfirborð

Hitastigulsborun

• Jarðhitaleit með hitastigulsborun

• Boraðar margar grunnar holur

• Oftast 50 – 100 metra djúpar

• Hiti mældur á mismiklu dýpi

• Hitastigull ákvarðaður

(Heimild: Jarðhitabókin – Guðmundur Pálmason)

Til baka í yfirlit