Norðurorka hf. og Akureyrarbær undirrita samning um fjármálaþjónustu
Norðurorka hf. og Akureyrarbær ákváðu í sameiningu í sumar að bjóða út fjármálaþjónustu sína og óska eftir tilboðum frá fjármálafyrirtækjum. Tilboð bárust frá Landsbanka, Arionbanka og Íslandsbanka. Í kjölfar mats á tilboðunum var ákveðið að ganga til samninga við Íslandsbanka hf. og var samningur þar að lútandi undirritaður í dag.
Helgi Jóhannesson forstjóri Norðurorku hf. lýsti ánægju sinni með útboðið og góðan samning við Íslandsbanka. Samstarfið við Íslandsbanka hf. hefur verið gott og farsælt og von okkar að svo verði áfram. Undir þetta tekur Ingi Björnsson útibússtjóri Íslandsbanka á Akureyri sem segir bankann hafa lagt sig fram um að gera mjög hagstætt tilboð í bankaviðskipti við Akureyrarbæ og Norðurorku hf.
Á myndinni talið frá vinstri eru: Rúnar Þór Sigursteinsson viðskiptastjóri hjá Íslandsbanka, Ingi Björnsson útibússtjóri Íslandsbanka á Akureyri, Eiríkur Björn Björgvinsson bæjarstjóri á Akureyri, Helgi Jóhannesson forstjóri Norðurorku, Sigurður J. Sigurðsson sviðsstjóri hjá Norðurorku og Dan Jens Brynjarsson fjármálastjóri Akureyrarbæjar.
