Jarðhitaskólinn í heimsókn

Starfsmenn og nemendur í Jarðhitaskóla Sameinuðuþjóðanna á Íslandi komu í heimsókn til Norðurorku.

Starfsmenn og nemendur í Jarðhitaskóla Sameinuðuþjóðanna á Íslandi komu í heimsókn til Norðurorku í gær.  Nemendurnir eru 30 talsins frá 16 þjóðlöndum og koma til sex mánaða námsdvalar á Íslandi.  Hópurinn kom til landsins í byrjun maí og hefur því setið á skólabekk í tvo mánuði.  Hefðbundið er að þá sé farin náms- og kynnisferð um landið og fyrirtæki í orkugeiranum heimsótt.  Þetta er í 33 sinn sem nemendur frá Jarðhitaskólanum heimsækja Norðurorku hf. og forvera þess Hitaveitu Akureyrar heim.

Nemendur í Jarðhitaskóla Sameinuðuþjóðanna í heimsókn hjá Norðurorku.
Myndin er tekin á vinnslusvæðinu á Arnarnesi við Hjalteyri.