Landsvirkjun hækkar verðskrá raforku

Frá og með 1. júlí s.l. hækkar Landsvirkjun verðskrá sína á raforku í heildsölu um 2,8%.

Landsvirkjun hækkaði þann 1. júlí s.l. verð á raforku í heildsölu um 2,8%.  Hækkunin nær til svonefndra sjö og tólf ára grunnorkusamninga en í þeim samningum er kveðið á um að samningsbundið verð taki breytingum til samræmis við vísitölu neysluverðs einu sinni á ári.  Verðhækkunin er í samræmi við hækkun vísitölu neysluverðs frá apríl 2010 til apríl 2011. 

Ekki liggur fyrir hvort eða hvaða áhrif þessi hækkun hefur á verð í smásölu, en ætla má að það muni taka einhverjum breytingum þegar líður á árið.