Lokað fyrir heita vatnið í hluta Ránargötu, Eyrarvegar og Grenivalla vegna viðgerða

Lokað verður fyrir heita vatnið í hluta Ránargötu, Eyrarvegar og Grenivalla vegna viðgerðar á hitaveitulögn fimmtudaginn 14. ágúst frá kl. 8:00 og fram eftir degi.  Nánari upplýsingar um framvindu verksins verða settar inn hér á heimasíðuna þegar líður á daginn.

Viðskiptavinum er bent á að kynna sér á heimasíðunni góð ráð komi til þjónusturofs.

Viðskiptavinum er bent á að gæta vel að því að allir kranar séu lokaðir þegar vatn kemur á aftur. Eins er viðskiptavinum bent á að huga að hitakerfum sínum, dælum á gólfhitalögnum, varmaskiptum og öðrum slíkum búnaði. Jafnframt er mjög gott að lofttæma ofnakerfi eftir að vatnið er komið á. Hafi viðskiptavinir ekki þekkingu á búnaði sínum er nauðsynlegt að hafa samband við pípulagningameistara til þess að huga að kerfinu og búnaði þess.

Lokunarsvæðið tekur til þeirra húsa við Ránargötu og Grenivelli sem sjást innan bláa rammans á myndinni hér fyrir neðan.

Þjónusturof hitaveitu - ábending til húsráðenda

1. Hafa þarf í huga að loft getur komist á kerfið þegar vatni er hleypt á að nýju. Sérstaklega getur þurft að huga að sérhæfðum búnaði hitakerfa húsa, s.s. gólfhitakerfum, hitalögnum í plönum og dælum þeirra, t.d. með því að stöðva þær á meðan vatnsleysi varir. Kerfin eiga þó að vera útbúin þannig að þessi hætta sé í lágmarki.
2. Bregðast þarf við lofti í kerfum með lofttæmingu á ofnum, dælum og öðrum búnaði sem loft getur sest í. Einnig er nauðsynlegt að huga að öryggisloka sem getur opnast þegar vatni er hleypt á ef stjórnlokar á grind eru stirðir.
3. Húsráðendum er bent á að við viðgerðir eða endurbætur á stofnkerfum og/eða heimlögnum kunna óhreinindi að fara af stað í lögnum þegar vatni er hleypt á. Því er nauðsynlegt að skola kerfið vel út með því að láta vatn renna um stund. Best er að útskolun fari fram sem næst inntaksstað sé þess kostur.
4. Sé húsráðandi í vafa um hvernig bregðast á við skal undantekningalaust haft samband við við pípulagningameistara hússins.