Söguganga með Glerá
Fimmtudaginn 9. ágúst var söguganga afmælisnefndar Akureyrarbæjar og Minjasafnsins í samstarfi við Norðurorku hf.
Rifjaðir voru upp árdagar Vatnsveitu Akureyrar sem stofnuð var árið 1914 og hin mikla þrautaganga Akureyringa í leit að nægilega hreinu og miklu vatni í nágrenni bæjarins sem nýta mætti til vatnsveitu.
Einnig voru rifjaðir upp árdagar Rafveitu Akureyrar allt frá því að fyrstu hugmyndir um rafvæðingu komu fram í kringum aldamótin 1900 og þar til Glerárvirkjun var tekin í notkun árið 1922.
Hér að neðan má sjá nokkrar myndir úr sögugöngunni en sögumaður og fulltrúi Norðurorku var Baldur Dýrfjörð forstöðumaður þróunar en í lok göngunar tóku Gunnur Ýr Stefánsdóttir gæðastjóri og Svanhildur Svansdóttir þjónustufulltrúi einnig á móti göngugestum, buðu upp á kakó og kleinur og svöruðu spurningum gesta.
