Styrkir Norðurorku hf. til samfélagsverkefna veittir í dag.
Í dag fimmtudaginn 21. júní voru styrkir Norðurorku til samfélagsverkefna afhentir við hátíðlega athöfn í sal Norðurorku að Rangárvöllum á Akureyri.
Alls sóttu 153 félög, stofnanir og einstaklingar um þegar auglýst var eftir umsóknum um styrki til samfélagsverkefna fyrr í vetur. Verkefnin eru mjög margbreytileg, af öllum stærðum og gerðum ef svo má segja. Vinnuhópnum sem gerði tillögu að úthlutun styrkja var því vandi á höndum en þótt verkefnið væri erfitt var það um leið skemmtilegt. Auk þess að byggja á þeirri stefnumörkun sem mótuð var í stefnumótunarvinnu stjórnar og framkvæmdaráðs s.l. haust mótaði nefndin sér viðmið sem lögð voru til grundvallar og er þeim nánar lýst í fréttatilkynningu félagsins.
Eftirtaldir aðilar hljóta styrk að þessu sinni:
| Nafn styrkþega | verkefnið | fjárhæð |
| Aflið - Samtök gegn kynferðis og heimilisofbeldi á Nl. |
rekstrarstyrkur | 100.000 |
| Leikfélagið Adrenalín | leiklist eflir lífsleikni | 150.000 |
| Æskulýðssamtök Laufásprestakalls | æskulýðsstarf | 100.000 |
| Hjólabrettafélag Akureyrar | bætt aðstaða | 100.000 |
| Hrafnhildur Ósk Birgisdóttir | afreksstyrkur – landsliðið á skautum | 75.000 |
| Norræna félagið Ólafsfirði | norrænar sumarbúðir | 200.000 |
| Kvennahandbolti KA og Þór – 8. til 4. flokkur | keppnistreyjur kvfl. KA/Þór | 400.000 |
| Safnasafnið | úrbætur á aðgengi að safninu | 200.000 |
| Textílbomban - 19 textíllistamenn | samsýning – Listasumar |
300.000 |
| Öldrunarheimilin á Akureyri | garður og hænsnahús | 200.000 |
| Karatefélag Akureyrar | félagsstarfið | 100.000 |
| Multicultural Council | fjölmenning viðburðir o.fl. | 100.000 |
| Fimleikafélag Akureyrar | æfingabúðir - koma erl. þjálfara | 150.000 |
| Gamli barnaskólinn Skógum Fnjóskadal | uppbygging safns | 100.000 |
| Sundfélagið Óðinn | startbúnaður | 100.000 |
| Skíðafélag Akureyrar | bætt aðstaða við gönguhús | 100.000 |
| Lionsklúbburinn Vitaðsgjafi | lyftukaup - sundlaugin að Hrafnagili |
100.000 |
| Birna Guðrún Baldursdóttir | tilr. verkefni klúbbur einhverfa unglinga |
75.000 |
| Ungmennafélagið Smárinn - Hörgársveit | fótboltamörk við Þelamerkurskóla | 250.000 |
| Leikklúbburinn Krafla - Hrísey | leiklistarnámskeið fyrir börn | 100.000 |
| Sumarbúðir KFUM og KFUK Hólavatni | viðbygging við félagsmiðstöð | 250.000 |
| Skátafélagið Klakkur | námskeið fyrir foringja |
100.000 |
| Klakarnir - útivistarklúbbur fatlaðra barna | námskeið fyrir þjálfara | 150.000 |
| Alberto Porro Carmona | tónlistarkennsla - barnabók | 100.000 |
| Hafdís Sigurðardóttir | afreksstyrkur - frjálsar íþróttir | 75.000 |
| Akureyrarkirkja | sumaropnun | 200.000 |
| Foreldrafélag strengjadeildar Tónlistarskólans | félagsstarf - strengjamót í Hörpu |
150.000 |
Hér má sjá mynd af fulltrúum ofangreindra aðila sem tekin var fyrir framan höfuðstöðvar Norðurorku hf. þegar afhendingin fór fram í dag. Með á myndinni eru Helgi Jóhannesson forstjóri Norðurorku og Baldur Dýrfjörð forstöðumaður þróunar.
Heildarfjárhæð styrkja sem nú er úthlutað eru rúmar fjórar milljónir króna, en áður hafði stjórn Norðurorku hf. samþykkt að veita tíu milljóna króna styrk til afmælisárs Akureyrar, sem m.a. skal varið til þess að koma upp upplýsinga- og fræðsluskiltum í miðbænum og Innbænum, auk ýmissa annarra verkefna. Þá veitti félagið Menningarfélaginu Hofi bakhjarlastyrk að fjárhæð tólf hundruð þúsund krónur, fyrir rekstrarárið 2011 til 2012, sem verja skyldi til þess að auka og efla opna viðburði í Hofi.
