Unnið að endurbótum á Garðsvíkurlindum
Garðsvíkurlindir eru ofan við bæinn Garðsvík á Svalbarðsströnd og þjóna vatnsveitu Norðurorku í Svalbarðsstrandarhreppi.
Undanfarnar vikur hefur verið unnið að endurbótum á hluta lindarsvæðisins. Verið er að endurvirkja, ef svo má segja, lindir á suðurhluta svæðisins með það að markmiði að lindirnar séu öruggari auk þess sem næst í eitthvað meira vatn en áður.
Eins og aðrar náttúrulegar lindir á vinnslusvæðum Norðurorku þá hafa lindirnar í Garðsvík gefið nokkuð eftir í þurrkatíðinni undanfarnar vikur og sama á við um svonefnd Halllandsból sem eru sunnar í Vaðlaheiði. Hefur því verið óskað eftir því við notendur í Svalbarðsstrandarhreppi að þeir gæti að vatnsnotkun sinni og fari sparlega með vatnið.
Hér að neðan má sjá myndir frá framkvæmdum við Garðsvíkurlindir.
