Uppgjörsreikningar og álestur
Ellefu mánuði ársins eru orkureikningar byggðir á áætlun um orkunotkun sem við reynum að láta endurspegla sem best raunverulega notkun. Notendur fá þá mánaðarlega senda áætlunarreikninga.
Nú á haustmánuðum fer fram árlegur álestur á rafveitu- og hitaveitumælum á vegum Norðurorku og í kjölfarið er uppgjörsreikningur sendur út til viðskiptavina. Þar kemur raunnotkun liðins árs fram og þar með kemur í ljós hvort viðskiptavinur á inneign eða er í skuld vegna næstliðins árs. Viðskiptavinir geta því átt von á reikningum með annarri krónutölu en þeir eru vanir.
Oft liggur skýringin á aukinni notkun og þar af leiðandi hærri reikningi fyrir, t.d. að nýtt orkufrekt heimilistæki hefur verið tekið í notkun eða heitur pottur á heimilinu en stundum kann að vera að um bilun sé að ræða. Dæmi um þetta eru bilaðir ofnkranar eða bilun í stýribúnaði húsveitu sem veldur sírennsli vatns. Þá er mögulegt að áætlun eða álestur sé rangur.
Hægt er að hafa samband við Norðurorku og fá áætlun endurskoðaða.
Skýringar á uppgjörs- og áætlunarreikningum má finna hér á heimasíðunni.
