Vinnustaður í fremstu röð
Síðastliðið ár hefur Norðurorka nýtt sér púlsmælingar Moodup. Um er að ræða fyrirtæki sem sérhæfir sig í könnunum meðal starfsfólks og staðfestir að á vinnustaðnum ríki mikil starfsánægja og framúrskarandi vinnustaðamenning. Reglulegar púlsmælingar á vegum Mood-up gefa stjórnendum heildstæða mynd af líðan starfsfólks og gera þeim kleift að auka starfsánægju á vinnustaðnum enn frekar.
Til þess að hljóta þessa viðurkenningu Moodup þurfa fyrirtæki að uppfylla þrjú skilyrði:
- Mæla starfsánægju að minnsta kosti einu sinni á ársfjórðungi.
- Bregðast við endurgjöf starfsfólks.
- Ná árangursviðmiði um starfsánægju miðað við aðra íslenska vinnustaði.
Með því að uppfylla ofangreind skilyrði hefur Norðurorka sýnt í verki að stjórnendur hlusta á starfsfólk og sýna í verki að álit þessi skipti máli. Þess má geta að svarhlutfall í Norðurorku var einstaklega gott eða 98%.
Við erum afar stolt af þessari viðurkenningu, sem staðfestir að Norðurorka hugsar vel um sitt starfsfólk og tryggir því framúrskarandi starfsumhverfi.
