Vonskuveður veldur vatnsflóði á Akureyri

Vonskuveður hefur gengið yfir svæðið í dag með miklu vatnsveðri. Mikil rigning og leysing hefur valdið vatnsflóði víða um bæinn, þá sérstaklega niður Lækjargilið, Hafnarstræti og göturnar þar í kring urðu illa úti.

Starfsfólk Norðurorku, ásamt fjölmörgum viðbragðsaðilum, hefur frá því í dag unnið að því að bregðast við og lágmarka tjón. Útlit er fyrir að afleiðingarnar séu miklar og víða töluverð vinna framundan. Mesta vatnsveðrið er nú gengið yfir í bili og fráveitukerfið farið að hafa undan. Enn er þó vinna í gangi hjá viðbragðsaðilum. 

Á morgun er von á öðrum hvelli og mun okkar fólk búa í haginn eins og mögulegt er.