Fréttir & tilkynningar

Fimmtudaginn 26. janúar, fór fram afhending á styrkjum Norðurorku til samfélagsverkefna vegna ársins 2023. Athöfnin fór fram í Menningarhúsinu Hofi, sem er vel við hæfi þar sem Norðurorka er bakhjarl Menningarfélagsins. 

Síðdegis á morgun (föstudag) tekur gul veðurviðvörun gildi á okkar svæði. Spáð er sunnan 10-18 m/s, rigningu með köflum og 5-12 stiga hita.

Norðurorka hf. óskar eftir tilboðum í síðasta áfanga lagningar nýrrar stofnæðar hitaveitu milli Akureyrar og Hjalteyrar.

Norðurorka hf. óskar eftir að ráða í starf við upplýsingamiðlun og kynningarmál.

Um síðastliðin áramót tóku í gildi breytingar á verðskrám Norðurorku. Á grundvelli greiningar á rekstrar­­­kostnaði og vísitölum og að teknu tilliti til fjárfestingaáætlana, var niðurstaða stjórnar Norðurorku að hækka verð­skrár fyrirtækisins frá og með 1. janúar 2023 samkvæmt eftirfarandi.

Á dögunum voru veittar starfsaldursviðurkenningar hjá Norðurorku hf.  Það er gaman að segja frá því að almennt er starfsaldur hár í fyrirtækinu og starfsmannavelta lítil. Það voru 23 einstaklingar sem höfðu starfað í 10 ár eða lengur hjá Norðurorku þegar viðurkenningarnar voru veittar. Samanlagður starfsaldur þeirra var 545 ár en í slíkri reynslu býr mikill mannauður.

Við óskum viðskiptavinum okkar og landsmönnum öllum gleðiríkrar jólahátíðar og farsældar á nýju ári. Þökkum góð samskipti á árinu sem er að líða.

Umræðan um hitaveitur á Íslandi hefur trúlega ekki farið fram hjá mörgum undanfarnar vikur. Hitaveitur víða um land eru komnar að þolmörkum varðandi það að geta annað eftirspurn á köldustu dögum ársins og nú hefur víða verið gripið til þess ráðs að loka sundlaugum á Suðurlandinu.

Í síðustu viku tók Norðurorka þátt í opnum fundi sem Samorka bauð uppá þar sem málefni hitaveitna, staða jarðhitaauðlindarinnar og forðamál voru í brennidepli. Yfirskrift fundarins var „Hugum að hitaveitunni, er nóg til?“ en þar kom m.a. fram að þó svo að orkuskipti til upphitunar húsa séu mjög langt komin þá er ekki sömu sögu að segja um orkuöflunina. Undanfarin ár hefur notkun á heitu vatni aukist mikið og umfram allar spár þar um.

Jólaaðstoð Velferðarsjóðs Eyjafjarðarsvæðisins er samstarf Mæðrastyrksnefndar, Rauða krossins, Hjálparstarfs kirkjunnar og Hjálpræðishersins á Akureyri. Markmið verkefnisins er að styðja efnaminni fjölskyldur og einstaklinga á Eyjafjarðarsvæðinu en því miður eru mörg heimili á Eyjafjarðarsvæðinu sem eru illa stödd fjárhagslega og þurfa á aðstoð að halda.