Fréttir & tilkynningar

Vegna vinnu við stofnkerfi hitaveitu verður LOKAÐ fyrir HEITT VATN í Krókeyrarnöf, Hagahverfi og Naustahverfi á morgun fimmtudaginn 22. júní 2017 frá kl. 8.00 og fram á kvöld.

Nokkrar mannabreytingar verða hjá Norðurorku á næstu mánuðum. Baldur Dýrfjörð lögfræðingur og staðgengill forstjóra lætur af störfum og Guðrún Björg Harðardóttir hættir sem mannauðsstjóri.

Vegna viðgerðar þarf að loka metanafgreiðslustöðinni við Súluveg í dag föstudaginn 5. maí frá kl. 17:00. Reiknað er með að viðgerðin geti tekið allt að sólarhring.

​Vegna viðgerðar þarf að loka metanafgreiðslustöðinni við Súluveg á morgun fimmtudaginn 4. maí milli kl. 9:00 og 13:00.

Aðalfundur Norðurorku hf. var haldinn í dag 31. mars 2017. Eigendur félagsins eru sex sveitar­­félög, Þingeyjarsveit, Grýtubakkahreppur, Svalbarðsstrandarhreppur, Eyjafjarðar­sveit, Akureyrarbær og Hörgársveit. Rekstur Norðurorku gekk vel á árinu 2016. Ársvelta samstæðunnar var 3,4 milljarðar króna. Hagnaður ársins var 409 milljónir króna eftir skatta og eigið fé 8,2 milljarðar króna. Á aðalfundinum í dag var ákveðið að greiða hluthöfum 15% arð af hlutafé eða 127 milljónir króna. Samstæðureikningur samanstendur af rekstri Norðurorku og dótturfélagsins Fallorku ehf. auk áhrifa frá hlutdeildarfélögunum Tengir hf. og Norak ehf. en rekstur þeirra allra gekk vel á árinu.

Akureyrarbær hefur um margra ára skeið unnið ötullega að úrgangsflokkun og verið þar leiðandi á landsvísu. Forsenda þess að þetta verkefni gangi vel er að fyrirtæki í bænu taki þátt í verkefninu af heilum hug. Norðurorka hefur með þetta góða fordæmi að leiðarljósi aukið vægi umhverfismála í rekstri sínum með margvíslegum hætti á undanförnum árum.

Föstudaginn 31. mars lokum við fyrirtækinu frá kl. 14:45 vegna ársfundar Norðurorku 2017

Aðalfundur Norðurorku hf. verður föstudaginn 31. mars n.k. og hefst kl. 14:00. Í beinu framhaldi af fundinum heldur félagið ársfund sinn. Ársfundurinn er haldinn í menningarhúsinu Hofi og hefst kl. 15:00.

Norðurorka hf. óskar eftir tilboðum í framkvæmdir við dælustöð fráveitu við Krókeyri.

Opinn kynningarfundur um vatnsverndarsvæði Norðurorku verður haldinn í Menningarhúsinu Hofi fimmtudaginn 23. mars kl. 17:00.